ಹೀಗೇಕೆ ನಾವು ಭಾರತೀಯರು

ಸ್ವಾರ್ಥವೆಮ್ಮ ಪರಂಪರೆಯು

ಇದುವೆ ನಮ್ಮ ಸಂಸ್ಕೃತಿ

ಲಂಚ ಎಮಗೆ ವರ್ಜ್ಯವಲ್ಲ

ಎಲ್ಲೆಡೆಯಿದೆ ಮಾನ್ಯತೆ

ಲಂಚಕೋರ ಪರಮಶೂರ

ಅಪ್ಪಿಕೊಳುವೆವವನನು

ತಪ್ಪು ತಿದ್ದುವಲ್ಲಿ ಎಮಗೆ

ಇಲ್ಲ ಎನಿತು ಆಸ್ತೆಯು

ಕಾಣಿಕೆಯನು ಅಳತೆ ಮೀರಿ

ಸಲ್ಲಿಸುವರು ಗುಡಿಯಲಿ

ಯೋಗ್ಯತೆಯದು ಇರಲಿ ಬಿಡಲಿ

ಬೇಡಿ ಫಲವ ಶೀಘ್ರದಿ

ಭಕ್ತಿ ಭಾವ ಏನು ಇಲ್ಲ

ಕೊಡುಕೊಳ್ಳುವ ಪರಿಯಿದು

ಹೊರಗೆ ಬಂದು ನೋಡಿರಯ್ಯ

ಇದಕ್ಕೆ 'ಲಂಚ' ಎನುವರು

ತಿರುಗಿನೋಡು ನಮ್ಮ ಚರಿತೆ

ಲಂಚ ಯುದ್ಧ ಗೆದ್ದಿದೆ

ಮೀರ್ ಜಾಫರ್ ಶೆಟ್ಟಿ ಮಲ್ಲ

ಮನೆಮುರುಕರ ದಂಡಿದೆ

ಪಾರ್ಸಿ ಹಿಂದು ಮುಸಲ್ಮಾನ

ಬುದ್ಧ ಕ್ರೈಸ್ತ ಜೈನರು

ತಮಿಳ ತೆಲುಗ ಹಿಂದಿ ವಂಗ

ಕೇರಳಿ ಕರ್ನಾಟಕಿ

ಏಕೆ ಹೀಗೆ ಹಿಂದೆ ಸರಿಸಿ

ಮೊದಲು ಬರಲಿ ದೇಶವು

ಸೆಟೆದು ಹೇಳಿ ಎದೆಯುಬ್ಬಿಸಿ

‘ನಾವು ಭಾರತೀಯರು'

ಹಳೆಯ ಚರಿತೆ ಹೊಸಕಿ ಹಾಕಿ

ಹೊಸದೆ ದೇಶ ಕಟ್ಟುವಾ

“ಮೊದಲು ದೇಶ” ಸೂತ್ರ ಪಠಿಸಿ

ದೇಶ ಗೆಲಿಸಿ ಗೆಲ್ಲುವಾ

ದೇಶ ಗೆಲಿಸಿ ಗೆಲ್ಲುವಾ

• ರವೀಂದ್ರ ಭಟ್ ದೊಡ್ನಳ್ಳಿ

(ಜಾಲತಾಣದಲ್ಲಿ ಕಂಡ ಸಂದೇಶವೊಂದರಿಂದ ಸ್ಪೂರ್ತಿ ಪಡೆದು)